LocationsИнновация туралы әсер жайында: Қазақстандағы жазғы тағылымдама жөніндегі ойтолғам
2022 ж. 5 December
_____
“‘Адамның күні адаммен’ деген екен бір ақын.”
______
Қазақстандағы БҰҰДБ Акселератор Зертханасындағы тағылымдама маған БҰҰДБ-дағы әріптестермен байланыс орнатып, құнды тәжірибеге ие болуға және халықаралық ұйымның қызметкері болу дегеннің не екенін жақсырақ түсінуге мүмкіндік берді.
*Менің БҰҰДБ-дағы тағылымдамамның блогына қош келдіңіз!
Менің атым Юэн. Мен Қытайда туып өстім және соңғы төрт жылымды бес елде – Франция, Сингапур, Ұлыбритания, Қытайда және міне, Қазақстанда өткіздім. Мен айналамдағы әлемді және оны жақсарту үшін өз дағдыларым мен білімімді қалай пайдалана алатынымды танып-білуге құмармын. Қазақстанға БҰҰДБ тағылымгері ретінде алғашқы рет келу – бұл өмірде жалғыз рет болатын тәжірибе және мен ол туралы толығырақ айтып беруге қуаныштымын.
Біреудің кебінін кию
Қазақстанға келуге шақыру алған соң мен бұл ел туралы интернетте көбірек зерттеу жасап, деректер мен халықаралық есептерді іздей бастадым. Бұл елге барып, осында тұратын адамдардың өмірін өз көзіңізбен көргенге ештеңе жетпейтініне келісетініңізге сенімдімін. Мен Астанаға 2022 жылдың жазында бардым.
*Кемпірқосақты көрдім! Қазақстандағы алғаш күнім! Толқып тұрмын!
Қазақстан – тұрғындары батыл, икемді әрі жарқын жүзді ел; бұл ғасырлар бойғы көшпелі өмір салтының бойға сіңірген қасиеті болар. Қаланы аралап жүріп, қала тұрғындарымен – Қазақстандағы БҰҰДБ-дағы әріптестеріммен және өзім кездестірген басқа да жастармен танысып, солайша осы елді танып-білдім.
Мұнда жұмыс істеген кезімде мен жаһандық даму ұйымының бір бөлігі болудың шын мәнінде не екенін түсіндім. Күн сайын оқу сессияларына, инновациялар жайындағы талқылауларға қатысуға және әлемнің түкпір-түкпіріндегі БҰҰДБ әріптестерінің пікірлері жайлы естіп-білуге мүмкіндік алдым. Апта сайын Акселератор Зертханаларының жаһандық телеконференцияларына қатысып, дүние жүзіндегі Зертханалардың қандай тәжірибелік эксперименттер жүргізетінін білдім.
Тағылымдама мақсаттарының бірі жазу дағдыларымды жетілдіру болды. Сондықтан мен түрлі жаднама жазбаларды, тұжырымдамалық жазбалар мен блог мәтіндерін жазу мүмкіндіктерін белсенді түрде іздедім. Бірлесіп жазған блогым Қазақстандағы БҰҰДБ-ң ресми сайтында жарияланған кезде қатты қуандым. Блог жазу кезінде мен құрылымдық-кешенді тәсіл мен жүйелік ойлау тақырыптарына терең бойладым.
Акселератор Зертханасының құрамында жұмыс істеу маған елдегі кеңсе жұмысының тақырыптары – цифрлық қызметтерді көрсетуден бастап қала құрылысын дамыту, жасыл қаржыландыру мен әлеуметтік қорғауға дейінгі түрлі тақырыптар туралы білуге мүмкіндік берді. Мен мемлекеттік саясат саласында ғылыми дәреже алу үшін оқуымды бастағалы отырғандықтан, Қазақстандағы БҰҰДБ-да істеген жұмысым маған практикалық тәжірибе мен Қазақстан мен басқа да көптеген дамушы елдердегі даму проблемаларын жақсырақ түсінуге мүмкіндік берді.
10 000 шақырым жүріп, 10 000 кітап оқыңыз
Менің Қазақстанға тағылымдамам кәсіби дамумен шектелмейді. Жаңа елде өткізген уақытым мен үшін өзімді зерттеу, жеке тұлғамды, құндылықтарым мен мақсаттарымды саралау кезеңі болды. Көне қытай мәтелі білім алу үшін 10,000 шақырым жүріп, 10,000 кітап оқу керек дейді. Менің Қазақстанға жасаған сапарым шын мәнінде он мың шақырымдық саяхат болды. Енді күзде Чикаго Университетіндегі жаңа «сапарымның» басталуын және тағылымдамадан алып шыққан барлық практикалық сабақтарымды оқу барысында қолдануды асыға күтудемін.