27 ýaşyndaky Ruslan Hudikow aklawjy hünärini alyp, daşary ýurt uniwersitetini üstünlikli gutardy. Köp ýaşlar ýaly gowy iş gazanmagy arzuw edipdi we hemme zadyň aňsat we derrew çykjakdygyna ynanýardy. Watanyna gelen Ruslan özi üçin garaşylmadyk bir mesele bilen ýüzbe-ýüz boldy – onuň taýýar iş ýeri ýokdy.

Ruslanyň başdan geçirýän kynçylyklary köp ýaşlara tanyş. Hünär tejribesiniň ýoklugy ýa-da ýetmezçiligi, doly däl rezýume, söhbetdeşlik wagtynda başarnygyň ýoklugy, özüňe pes baha bermek, bilimlerine we başarnyklaryna ynamsyzlyk, iş meselelerini nirä gönükdirmelidigini maslahat berip biljek tanyşlaryň we dostlaryň çäkliligi - hemmesi bu köp ýaşlaryň işlemäge amatly ýer tapmagynyň öňüni alýar. Ruslan öz işine başlamak barada pikir edýärdi, ýöne pikirleriň düşnüksizligi we iş meýilnamasyny düzmekde hem-de iş alyp barmakda başarnyklarynyň ýoklugy sebäpli meýilnamalaryna düşünip bilmedi.

“Bäş ýyllap, karýeramyň ösüşi näbellidi. Öýe gaýdyp baranymda, üstünlikli karýera, uly aýlyk we köp täze mümkinçilikler garaşýar diýip pikir edýärdim. Emma global ykdysady çökgünlik özüni tanatdy. Nirä gitmelidigimi we kimden kömek sorajagymy bilmeýän ýagdaýda galdym” – diýip, Ruslan ýatlaýar.

Birleşen Milletler Guramasynyň Ösüş Maksatnamasy (BMGÖM), Ýaponiýanyň hökümeti tarapyndan maliýeleşdirilýän “Merkezi Aziýada zorlukly ekstremizmiň öňüni almak üçin jemgyýetiň durnuklylygyny we sebitleýin hyzmatdaşlygy güýçlendirmek” taslamasynyň çäginde, işdäki kynçylyklary ýeňip geçmek, ýolbaşçylygy we işewürlik ukyplaryny ösdürmek üçin, ýakyn oba ýerlerini hem öz içine almak bilen, Aşgabatda, Tejende, Türkmenabatda, Maryda, Türkmenbaşyda we Daşoguzda ýaşlar üçin okuwlar geçirilýär.

Taslamanyň maksady, iş mümkinçiligini döretmek we ýaşlara sosial goşulyşmagyny we zähmet bazaryna gatnaşmak, parahatçylygy we howpsuzlygy ýokarlandyrmak arkaly durmuş-ykdysady basyşlary azaltmak maksady bilen ýaşlar üçin iş ýerlerini döretmekden ybarat. Taslama, gatnaşyjylar üçin karýera ösüşini üpjün edýän hususy we döwlet pudaklaryndan hyzmatdaşlary işjeň gatnaşýar.

2018-nji ýylda Ruslan dostlarynyň üsti bilen BMGÖM taslamasynyň işleri barada eşitdi we okuwlara gatnaşdy.

“Taslama maňa psihologiki taýdan kömek etdi, ruhumyň peselmegine ýol bermedi. Bu maňa bilim berdi we şol pursatda mende bolmadyk ynam döretdi” –diýip, Ruslan belleýär.

Ilkinji günlerinden başlap, Ruslan taslamanyň çäklerindäki dürli okuwlara, tegelek stollara, ýygnaklara we çärelere işjeň gatnaşdy. Şeýlelik bilen, çäreleriň birinde Ruslan iň gowy tarapyny görkezip, iňlis dilini gowy bilýändigini görkezip, taslama hyzmatdaşynyň ünsüni özüne çekdi. Daşoguz wlaýatynyň ýerli bilim bölüminiň wekilleri Ruslany gaty gowy gördüler we ony mekdebiň mugallymy bolup işlemäge çagyrdylar. Ruslan 2 ýyl bäri iňlis dili mugallymy bolup işleýär.

Ruslan: “Mugallym bolup işlärin öýdemokdym. Mekdepde işlän ilkinji günlerimden başlap, bu hünäre aşyk boldum. Çagalaryň terbiýesine goşant goşmak, olara bilim bermek, gyzykly bilim sapaklaryny geçirmek, kyn ýagdaýlarda maslahat bermek we geljekki hünäri barada karar çykarmaga kömek edýänime men örän şat. Çagalar biziň geljegimizdir” – diýip, Ruslan belläp geçdi.

Ruslan, iş bilen baglanyşykly meselelerini çözenden soň hem taslamanyň dürli çärelerine gatnaşmagyny dowam edýär. Täze agzalara işjeň maslahat berýär we öňküsi ýaly kyn ýagdaýa düşen ýaşlar üçin peýdaly bolmaga synanyşýar.

Ruslanyň üstünligi diňe BMGÖM taslamasynyň Zähmet we ilaty goramak ministrligi, Bilim ministrligi, Magtymguly adyndaky ýaşlar guramasy we köp sanly hususy kompaniýa, telekeçi we şereketler ýaly milli hyzmatdaşlar bilen ýakyn hyzmatdaşlygy netijesinde mümkin boldy.