Мемлекеттік басқарудағы инновациялар және цифрландыру

БҰҰ-ның Даму бағдарламасы, Корея Республикасының Ішкі істер және қауіпсіздік министрлігі (MOIS), Корея Республикасының Ақпараттық қоғам мәселелері жөніндегі ұлттық агенттігі (NIA) және Астана мемлекеттік қызмет хабы мемлекеттік басқарудағы инновациялар және цифрландыру саласындағы бірлескен жобаны іске асыруға кіріседі.

Осы мақсатта Қазақстандағы БҰҰ-ның Даму бағдарламасы мен Корея Республикасының Ішкі істер және қауіпсіздік министрлігі «Мемлекеттік басқарудағы және мемлекеттік қызметтерді цифрландырудағы инновацияларды дамыту үшін әлеуетті нығайту» жобасын іске асыруға грант беру туралы келісімге қол қойды.

   Мақсаты:

Жобаның негізгі мақсаты мемлекеттік басқарудағы инновациялар саласындағы озық тәжірибені бейімдеу және Орталық Азия (Қазақстан, Қырғызстан, Тәжікстан және Өзбекстан) мен Кавказ (Армения, Әзірбайжан және Грузия) елдерін қамтитын мемлекеттік қызметтер көрсетуді цифрландырудың сараланған әдістерін енгізу болып табылады. Жоба тиісті үкіметтік әріптестермен, орталық және жергілікті мемлекеттік органдармен, арнайы органдар мен мекемелермен, жобаны іске асыруда қатысушы елдердің сарапшылары мен саясаткерлерімен тығыз ынтымақтасатын білім алмасудың көпжақты платформасы ретінде Астана мемлекеттік қызмет хабының әлеуетін пайдалана отырып, Қазақстандағы БҰҰ-ның Даму бағдарламасымен іске асыратын болады.   

Күтілетін нәтижелер:

·     Қатысушы елдердегі мемлекеттік қызметкерлердің үкіметтегі инновациялар тұжырымдамасы мен тәжірибесі және мемлекеттік қызметтерді көрсету кезіндегі цифрландыру процестері туралы кеңейтілген білімі;

·     Сараланған арналар арқылы ұсынылатын инновациялық тәжірибелерді енгізу және Мемлекеттік қызметтерді цифрландыру бойынша қатысушы елдердегі мемлекеттік қызметкерлердің кеңейтілген мүмкіндіктері.

Қызметтің негізгі бағыттары:

·       Техникалық-экономикалық негіздеме 

·       Аймақтық конференция

·       Семинарлар мен практикумдер

·       Танысу сапарлары

·       Әдістемелік нұсқаулықтар

·       Публикациялар

 

Іске асыру тәсілі:

·     Тікелей енгізу әдісі

Кезең:

·     2021-2023

Донор:

·     Корея Республикасының Үкіметі (MOIS / NIA)